shii410
I'm not black I'm O. J.
★★★★★
- Joined
- Apr 6, 2020
- Posts
- 17,598
Covid vaccine: Fertility and miscarriage claims wey we fact-check - BBC News Pidgin
Claim wey no dey true plus dey mislead na say Covid-19 vaccine dey wunjure fertility and cause miscarriage still dey circulate online, against all di evidence
www.bbc.com
Doctors dey extra careful about wetin dem dey recommend inside pregnancy, so di original advice be say make pesin wey get belle no take di jab.
But now, so many safety data don dey available say dis advice don change and women dey encouraged to kollect di vaccine because di pregnancy fit dey at risk if dem catch Covid.
We don look some of di claims wey dey plenti past and why dem dey wrong.
One study say vaccine dey store for ovaries - Na lie
Dis theory come from one study wey dem no read wella wey sabi pipo submit to di Japanese regulator.Di study involve to give rat vaccine dose wey plenti pass human being own (1,333 times higher).
Only 0.1% of di total dose enter inside di rat ovaries, 48 hours after injection.
Far more - 53% after one hour and 25% after 48 hours - enter go di injection site (for human, usually di arm). Di next most common place na di liver (16% after 48 hours), wey dey help to commot waste products from di blood.
Dem bin deliver di vaccine inside one bubble of fat wey contain di virus genetic material, wey kick-start di body immune system.
And di pipo wey dey promote dis claim just pick one figure wey dey actually about di concentration of fat wey dey inside di ovaries.